قاراباغ
ح. هریزلی
شیکسته‌سین اوخوما دلشکیسته‌دیر قاراباغ؛
او قدر تاپدالنیبدیر کی خسته‌دیر قاراباغ.
اسیردی دوشمن الینده قالیب گؤزو یولدا،
شمادته دؤزه بیلمیر جان اوسته‌دیر قاراباغ.
دئدیک بیزیمکیدیر آنجاق ،بیزیم کی ده قالاجاق،
هاچان بیزیم اولاجاق؟ سون نفسده‌دیر قاراباغ.
سئونلرین قوشون اولسایدی داردا قالمازدین،
حاییف فدایی‌لرین دسته –دسته‌دیر قاراباغ!
سسیم قولاغینا چاتمیرسا، سن باغیشلا منی!
«هریزلی» سرحد آد آلمیش قفسده‌دیر قاراباغ.
