اؤز الینده دئییل کی …
ع.ن. چاپار
قورخور منیم آنام،
گؤیلرین گورولتوسوندان.
دیکسه‌نیر آنام …
قورخور منیم آنام،
ایلدیریم سایاغی –
هر شاخییان بیر نسنه‌دن…
اوز الینده دئییل کی بو.
یازیقلار بونا…
بلکه ده،
گؤزلرینین یادداشلاریندا
دیریلیر –
بایاقلاردان،
قدیم‌لردن،
اوستونه ائندیریلمیش
قامچیلارین شاخیسی.
بلکه ده، روحوندا هوپولموش-
هانسی بیر اَرکَکین،
آنقیرلاما گورولتوسو جانلانیر!
قورخور منیم آنام،
بیراوشاق کیمی.
دیکسه‌نیر آنام.
اؤز الینده دئییل کی بو.
یازیقلار بونا…
یک پاسخ
چوخ گؤزل شعر یاشاسینلار عزیز و حؤرمتلی اوستادیمیز??