قره‌داغ مرثیه‌سی
هریزلی
پارتلادی نه یامان، کؤهنه قه‌هرین
لای-لای قره‌داغیم، وای قره‌داغیم!
الندی تورپاغا کندین، شه‌هرین
لای-لای قره‌داغیم، وای قره‌داغیم!
******
ورزیقانیم هارای، اهریم هارای
هریس، ای مقدس شه‌هریم هارای
یاندی- آلولاندی جییه‌ریم، هارای
لای-لای قره‌داغیم، وای قره‌داغیم!
******
گلن قوناغینا گوللرین هانی
قوناقچیل،مهربان ائللرین هانی
سونالارین هانی،گوءللرین هانی
لای-لای قره‌داغیم، وای قره‌داغیم!
******
تبریز باشین آچدی، یولدو تئللرین
گلدی هارایینا بوتون ائللرین
اوخشاندی – آغلاندی هر نیسگیللرین
لای-لای قره‌داغیم، وای قره‌داغیم!
******
قورخما سالاماتدی مرد اوغلانلارین
ائللر قوربان ائدیر سنه جانلارین
دؤز کی کئچه‌جکدیر بو بحرانلارین
“حاجی” سنه قوربان آی قره‌داغیم
لای-لای قره‌داغیم، وای قره‌داغیم!
یک پاسخ
حاجی سیزین ده باشیز ساغ اولسون