منی
هریزلی

گلمیرسن یانیما اؤزون بیل گلمه

چکیلیب داشلاما اوزاقدان منی!

منله دانیشمامیش یالنیز بیر کلمه

تهمته توتدورما ناحاقدان منی!

فیکریم رنگ آلیبدی آغ- آپباق قاردان

ایلهامیم دوم- دورو یاشیل باهاردان

کؤنلوم ایچیمه‎یه‎جک پساب سولاردان

دوشونجم سوواریر بولاقدان منی!

یئریمی توتموشام عشق آلاییندا

داها سانانمیشام سئوگی ساییندا

آخیب دورولموشام زامان چاییندا

ائللر کئچیریبدیر سیناقدان منی!

ائلیم یاد اولوبدور وطنیم غربت

کهنه تانیشیمدیر درد ایله محنت

گناهیم سئوگی‎دیر بیرده کی صحبت

دارا چک اورکدن دوْداقدان منی!

اوره‎ییم حسرتدن قابار- قاباردی

اولن آزریلارا سانکی مزاردی

یاشاییش کؤوشنیم یامان غباردی

تیکرار گونلر سالیب آیاقدان منی