مني/ هريزلي

مني
هريزلي

گلميرسن يانيما اؤزون بيل گلمه

چكيليب داشلاما اوزاقدان مني!

منله دانيشماميش يالنيز بير كلمه

تهمته توتدورما ناحاقدان مني!

فيكريم رنگ آليبدي آغ- آپباق قاردان

ايلهاميم دوم- دورو ياشيل باهاردان

كؤنلوم ايچيمه‎يه‎جك پساب سولاردان

دوشونجم سووارير بولاقدان مني!

يئريمي توتموشام عشق آلاييندا

داها سانانميشام سئوگي ساييندا

آخيب دورولموشام زامان چاييندا

ائللر كئچيريبدير سيناقدان مني!

ائليم ياد اولوبدور وطنيم غربت

كهنه تانیشیمدیر درد ايله محنت

گناهيم سئوگي‎دير بيرده كي صحبت

دارا چك اوركدن دوْداقدان مني!

اوره‎ييم حسرتدن قابار- قاباردي

اولن آزريلارا سانكي مزاردی

ياشاييش كؤوشنيم يامان غباردي

تيكرار گونلر ساليب آياقدان مني