قیش گله‌جک
ع. ن. چاپار
قیش گله جک
یئنه هاوا دونداراجاق
گؤزون –
دامجی – دامجی دامان یاشلار
صوراتلاردا قونان کیمی
بوز دوناغی اولاجاقدیر.
قوینوموزدا ایسینه‌جک اللریمیز
باغریمیزدا قیزیناجاق دیلکلرمیز
یاناجاقدیر کؤنلوموزده احتراصلار
باشیمیزدا
اودلو – اودلو
قاینایاجاقدیر آرزولار …
یازا گئدن آیاقلارمیز
زویوشه – زویوشه
جادالاردان گئچه‌جکدیر
گئده‌جکدیر
گئده‌جکدیر !…
یک پاسخ
یازا گئدن آیاقلاریمیز…
اللرینیزه ساغلیق ساغولون