آکاسیا چیچکلری
محمد احمدی‌زاده

گل یئری‌یک بیرلیکده
ایتیرک اؤزلویوموزو
تنها بیر یولون اؤنمسیزلیگینده
چیلپاقلاشسین بئیینلریمیز
دوشونجه‌دن بورونن گئییملردن
هئچ ده قایغیلانمایاق
سئحیرلی یولوموزداکی آکاسیا آغاجلاردان
اوچوب باشیمیزا قونان چیچکلردن

گل منیمله بیرلیکده
اکک آکاسیا قلملرینی
قازانیب، اودوزاماقدان آشیب داشان یوللارا
اونلارین دؤکولن چیچکلری
قوروداجاق جهالتین کؤکونو
گله‌جک گونلرده

گل منیمله یئری سونسوزا دک
باشیمیز اوزه‌رینه قونان چیچکلرله بیرلیکده

هئچ دوشونمه دن
نه ایرقیمیزی
نه ده اینانجیمیزی