قاچانمادیم اؤزومدن
ع.ن. چاپار
قاچیرام.
عؤمرومه کؤلگه‌لیک اولان
بوگونده‌لیکدن !..
قیسینیرام
داریسقال – دینج بوجاق
ائو جییه‌زیمده !..
بوکوره‌م ماسادا –
بوزوک – بوزوک بوزوکموش
بوتون قزئتلریمیزین
پولتیکالی واراقلارینی.
چنه‌می اللریمده
اوووجلاییرام ،
ننه‌م ایتدی
اؤرپه‌یی دوماندان ،
دوواقلی گلین کیمی!
دده‌م باتدی
گونش تکین
قامتینی بوکه – بوکه ،
باتی‌لاردا !
دوستلاریمی…
.
.
.
یارپاق کیمی
قوپوب دوشدی
گؤده‌سیندن حیاتیمین.
بیر من قالدیم،
بیر دار بوجاق – دینج ائو‌جییه‌ز!..
بیرده …
بوتون حادثه‌لر …
ناخیشلانمیش فیکیریمده.
آنجاق ،
تکی
قاچانمادیم اؤزوم دن!…
