آرامیزدا بیر نفس‌لیک فاصیله
بئینیمیزده اوچوروم وار، دره وار!
هارا دؤنسَم، هارا باخسام خاطیره
من بئناوا هارا گئدیم، هارا وار ؟!
آنلامادین سوکوتومون دیلینی
یووان ایستی،
چؤره‌یین بول، یاغین بول !
سوکوتوندا اؤلدوردویون دَلینی
های-هارای‌لا تاپانمازسان، ساقین اول !
سنی تاپدیم، من ایتیردیم اؤزومو
نه سؤزلر کی، دئییلمه‌دی اوٌزومه !
سن گئدندن،
من اؤزومدن گئتمیشم
نه ائدیرم، گلنمیرم اؤزومه!..
سن او منی تاپانماسان، اوزولمه !
آخی من‌ده، من‌می قویدون قالاسی؟!
نه سورورسان، نه دورورسان اوزومه؟!
من هئچ منی تاپانمیرام قاداسی !…
آرامیزدا بیر نَفَس‌لیک فاصیله
بئینیمیزده
اوچوروم وار، دره وار !
رومانیمیز سیغماز مین بیر فصیله
یازیلمامیش او رومان‌دا نه یازار؟!
