سن آخشام دردیمده گونسن – گونوسن
ساعاتلاریمین گونوسوسن
هارا گئدیرم قالیرام سنی
هاردا قالیرام باشلانیرسان مندن
بو یولون بیردن اؤره‌یی قالخیر
بو سسین ایکیدن سسی باتیر
3دن قلبی سینیر
میصراعلارین اومباسی یئلله‌نیر، ۱۵دن
و کولک سئل گلیر
سئل کولک اوچور
سن دردیمین گونوسن
دیقه‌لرین قیزلیغی
اللرین صراط مستقیم‌دیر
و الضالین
محشرین عیاش لئچه‌گی
هارون‌الرشیدین زوبیده گؤزلری
اوبامانین میشئیل اللری
هیتلرین اشهدی سئوگیجیکلری
بیت‌المقدسین معراج گئجه‌لری
آآآخ…
اللرین اورجینال پیتزاسی
مجیکال چؤره‌یی
امپریالین، هامیسی رویال شکیلی
شکلینده
آیاقی اوچوخلامیش ۲ پرانتئز،
3 وورغون کاما
کامیلین میلانو سیغاری
بو شعیرین اعدام سسجیگی‌ی‌ی‌ی
اللرین سود چیچکلیمدی
آی اللرینین دوداغینی یئییییییییم‌م‌م‌م
گؤزونو دیشله‌یییییم‌م‌م‌م
گؤزلریندن کئچمه‌لی دئییل
گؤزلرین منه سویوق ده‌ییب سرطانلیغی
گؤزلرین بویالی سولیمان خالچاسی
بولقیسین ایکی هؤرولموش ساچی
یمن‌ین ایکی قارا قایاسی
اورشلیم سیناسی
موسا عصاسی
آنامین نذیری‌دی گؤزلرین
آتامین «علی قارا»سی
باجیمین آندی
بیزه گل گؤزلرینی
تبرریک ساخلاسین آنام
من دوعا تیکیم کؤینه‌ییمه
سنی یاتیم الکول روحومدا
یوخومو گؤتوروب گلیم سیزه
آهئیییی …ییی هئی هئی
آتام سنین شهیدیندی
آنام سنی سرطان توتدو
باجیم سنه سوفرا آچدی
و من سنی شاعیرم
سنی گؤزلرین… بیزه رحمین گلسین.
1391/۹/۶