بیر ریشه یوز بوداق، یوز یارپاق ساخلار
مین یارپاق بیر کؤکو ساخلایا بیلمز
(حسین عارف)
بویلان ایلدیریمیم، باخ ایلدیریمیم!
پارلا ایلدیریمیم، شاخ ایلدیریمیم!
سنسیز یاغیش یاغماز، بولاق‌لار آخماز،
سنسیز سئل- سولارین نغمه‌سی قالخماز،
داغ‌لار گؤی قورشاغین دؤشونه تاخماز،
بویلان ایلدیریمیم، باخ ایلدیریمیم!
پارلا ایلدیریمیم، شاخ ایلدیریمیم!
سنسیز گؤزلریمیز قان‌یاش‌لا دولار،
سنسیز باغ‌لار سولار، چیچک‌لر سولار،
سنسیز آنا تورپاق ساچ‌لارین یولار،
بویلان ایلدیریمیم، باخ ایلدیریمیم!
پارلا ایلدیریمیم، شاخ ایلدیریمیم!
سن گئتدین ماتمه بورودون ائلی،
آنا تبریزیمین آغاردی تئلی،
توکندی طاقتی، بوکولدو بئلی،
بویلان ایلدیریمیم، باخ ایلدیریمیم!
پارلا ایلدیریمیم، شاخ ایلدیریمیم!
آخ ایلدیریمیم! آخ ایلدیریمیم!
«حسن»ین اوره‌یی عؤمور بویو دیلی‌له، ائلی‌له دؤیونموشدو، دیلی وارکن، ائلی وارکن او دا یاشایاجاق!
