بوردان بیر آتلی کئچدی
حبیب فرشباف
صفرخان قهرمانی‌نین شرفلی خاطیره‌سینه
کوره‌‌یی زولاق – زولاق
اوره‌یی زولاق – زولاق
گئجه‌سی آه،
گوندوزو آه،
اربابلارین دونیاسیندا
رعییت‌لیک بؤیوک گوناه!…
اوجا داغ باشیندا
بیر آت کیشنه‌دی،
اسدی داغدان داغا بو سس؛
آخدی بولاقدان بولاغا
چاتدی قولاقدان قولاغا بو خبر:
– بوردان بیر آتلی کئچدی
آدی صفر!
توفنگی‌نین نعره‌سیندن
زاغ – زاغ اسدی سارایلار …
یاخالاندی …
آیری دوشدو سیلاحیندان، آتیندان
تک بئش آددیم بئله گئتدی
قاباق دووار!
تک اوچ آددیم‌دا بئله…
آزاد انسان،
بو دار قفس!
یَل هئیکلی یئر‌لشسه‌ده
سیغماز اولدو سئللول‌لارا،
اولو آرزولار چتینسه‌ده،
قهرمانجا اؤلوملردن،
قهرمانجا یاشاماق!
او یاشادی…
اونوتمادی ایلقارینی،
اؤلکه – اؤلکه قاناد آچدی
دایانیشی، شؤهرتی.
اؤز عؤمرونو تک اوتاقدا
او بیر دونیا یاشادی.
گؤیدن اوچ آلما دوشدو…
دیل‌لرده قالدی آدی،
هله بلکه آنالاردا
ائل اوغلونا بایاتی‌دا سؤیله‌دی:
“بوردان بیر آتلی کئچدی
آتین اویناتدی کئچدی
آی کیمی شفق ساچدی
گون کیمی باتدی کئچدی”
۲۰/۱۰/۸۲
یک پاسخ
جناب فرشباف درود بر شما . شعرتان را چند بار خواندم . همچون کودکی که خواندن نمیداند ولی از برگ زدن کتاب و نگاه کردن به صفحاتش لذت میبرد . لذت بردم و به شرفتان درود فرستادم . بنده ترکی نمیدانم و به واقع نفهمیدم شما چه نوشته اید ولی این نکته را حتما می پذیرید که تنها کلمات حرف نمیزنند.