images
باغیشلاماق
محمد احمدی زاده

سنینله ای جان یولداشیم
سؤزله‌شیب آیری قالمارام
سندن کوسسم من گئنه‌ده
کوسمه‌می‌چوخ اوزاتمارام

هر شئیی یاددان چیخاریب
تئز سنی من باغیشلارام
بیر بالاجا سؤزدن اؤترو
دوستلوغوموزو پوزمارام

اگر سنه پیس دانیشسام
من گئجه راحات یاتمارام
سن‌ده منی باغیشلاسان
گلیب سنی قوجاقلارام

سنین کیمی‌یولداشی من
عؤمور بویو آلقیشلارام
باغیشلایان دوستلاریمی
هئچ واخت اینان اونودمارام