اورمو گؤلوم! ح. هریزلی منیم نازلى، دوزلو گؤلوم شیرین دیللى سازلى گؤلوم، سؤزلو گؤلوم دوداقلارى، سوسوزوندان بؤلوم-بؤلوم سنى تانرى آچ گؤزونو اورمو گؤلوم! الى سنه چاتانمایان اوره‌یى قان خزریمین قارداشى‌سان باختى قارا، زاواللى بیر ائل اوبانین گؤزیاشى‌سان بو تورپاغین خزینه‌سى ان ده‌یرلى قاش-داشى‌سان قیمتینى بیلنمه‌دیم منه اؤلوم، منه اؤلوم اورموگؤلوم! عؤمور سوردوم شاعیر عومرو، آجى-شیرین آرزولاریم قاچاق دوشدو توتانمادیم میندن ...
Read More »
یاشیل آرزى ح. هریزلى قیشین سویوق نفسى، هوپدو مئشه نین جانینا. سازاغین بوز نغمه سیله، تیترشدى جویورلر. دوندو سولارین سسى، قوشلارین نغمه سى. دوندو آغاجلارین دامارلاریندا قان. دوندو مئشه ده هرزاد، دونمادى آنجاق حیات. مئشه نین کؤکسونده دویوندو اوره ک، یام-یاشیل آرزیلارلا. ۲۱آذر۱۳۷۸
Read More »
داش آتمایاق گؤیرچینه ح. هریزلی آغ له‌لک قانا بله‌شر داش آتمایاق گؤیرچینه! آرزیلارى اودا دوشر داش آتمایاق گؤیرچینه! گؤیدن یئره یاغار قارقیش کوسر بولوت یاغماز یاغیش قالار قارا تامارزى قیش داش آتمایاق گؤیرچینه! چؤکمز داها داغا دومان توستویه بورونر زامان چاى-چشمه‌لر قوخویار قان داش آتمایاق گؤیرچینه! طبیعتدن انسان کوسر انسانلاردان وجدان کوسر تانرى دا انساندان کوسر داش آتمایاق گؤیرچینه! سوتون ...
Read More »
عدالت ده وار… ح. هریزلی بو نه‌هاى، نه‌هاراى، نه واى خبرى؟ نه قده‌ر صنعت وار، صؤحبت وار، سازوار، عدالت ده وار…! نه قده‌ر دولانیر چرخین گردیشى فصیللر ده‌ییشیر، پاییزوار، یاز وار، عدالت ده وار…! گئتدى غم-کدردن بیرآز دینجله، دؤنه نسیل-نسیل ائللره گله؛ نه قده‌ر بو تورپاق دیرى‌دیر هله خزر وار، اورمو وار، کور وار، آراز وار، عدالت ده وار…! هله ...
Read More »
ایکی شعر ح. هریزلی (۱) حیات من کى اوچماغا قاناد ایسته‌میرم یاخود دؤرد نالا چاپماغا روزگار قانادلى بیر آت. نه قاناد نه آت یالنیز عؤمور پاییمدا اینسان شأنینه یاراشان بیرحیات ایسته‌ییرم بیرحیات. باهار۱۳۷۹ (۲) یاشیل آرزى قیشین سویوق نفسى هوپدو مئشه‌نین جانینا سازاغین بوز نغمه‌سیله تیتره‌شدى جویورلر دوندو سولارین سسى قوشلارین نغمه‌سى دوندو آغاجلارین دامارلاریندا قان دوندو مئشه‌ده هرزاد دونمادى ...
Read More »
ماراغالى تارزن «بؤیوک آغا»یا اتحاف ح. هریزلی دریاى جنون قاینادى فرزانه‌لییندن مئى مات قالیب نحوه‌ى مستانه‌لییندن هرکیم دادا سئودا مئیینى تار چاناغیندان سرمست چکر عربده میخانه‌لییندن من مئى دیله‌دیم سرخوش اولام بیر نئچه ساعت سن ده یانار اود سرخوشو پروانه‌لییندن گزدیکجه فوسونکار الین پرده‌لر اوسته تار پرده آچیر سیررى غریبانه‌لییندن تامسیندى کؤنول دوم-دورو دویغو بولاغیندان اومدوم ده‌لی‌لیک نعشه‌سى دیوانه‌لییندن چیخسان ...
Read More »
مرکّب‌لیک ح. هریزلی مرکّب‌لشیر انسان: ایچ دونیاسى آیریلیر اونون چؤل دونیاسیندان. ایچریسى سئچیلمیر باخیشیندان گؤزوندن؛ اونو تانیماق اولمور صؤحبتیندن سؤزوندن. مرکّب‌لشیر انسان: او بعضاً قورد اولالى قویون گئییمینده‌دیر. گاهدا قویون اولالى قورد گئییمى گئیینیر. مرکّب‌لشیر انسان: بعضاً اؤز اوره‌یینده نیفرت بسله‌دییینه محبتله یاناشیر؛ بعضاً ده سئودییندن نیفرتله اوزاقلاشیر. مرکّب‌لشیر انسان: ماسکالى یاشاماغى اؤزونه گره‌ک سانیر، اؤز اینانمادیغینا بعضاً اؤزو اینانیر. ...
Read More »
کرمی! ح. هریزلی یورقون خیالیمی‌یئنه بیر کره- نغمه قانادینا میندیر کرمی! دولاندیر داغ به داغ، دره به دره اصلی‌م دیاریندا اندیر کرمی! آرزیم دوستاق اولوب بدن ایچینده قورخورام چورویه کفن ایچینده سرحد اسیری‌یم وطن ایچینده شیغا سرحدلری سیندیر کرمی! هارای-هارای چکدیم‌هایا گلن یوخ آغلادیم گؤزومون یاشین سیلن یوخ سئودالی کؤنلومون دیلین بیلن یوخ دیندیر اوره‌گیمی‌دیندیر کرمی! چکمیشم چکه‌رم وطن غیرتى ...
Read More »
حلال خوشون اولسون! ح. هریزلی اوره‌ییمی‌آلان گؤزه‌ل آل کی حلال خوشون اولسون! منی درده سالان گؤزه‌ل سال کی حلال خوشون اولسون! نه قول قویدون نه ده قاناد ییخذین ائویم، ائوین آباد! اوره‌ک سازین چالماسین یاد چال کی حلال خوشون اولسون! اینجید، هردن گؤیلومو آل آلا گؤزلو کؤرپه مارال! «هریزلی»نین قلبینده قال، قال کی حلال خوشون اولسون!
Read More »
ارکه توخونما! ح. هریزلی وطنیمه توخون، ائلیمه توخون آماندیر سن آلله ارکه توخونما! وارلیغیما توخون، دیلیمه توخون آماندیر سن آلله ارکه توخونما! قارتال یواسی‌دیر، قافلان یاتاغى عشقین، آزادلیغین یانار اوجاغى ارک آذربایجانین ظفر بایراغى آماندیر سن آلله ارکه توخونما! اویات وجودوندا شوعورو، درکى چیخیب تاریخ بویو هر بوشو- برکى اؤزونده آشارسان آشیرسان ارکى آماندیر سن آلله ارکه توخونما!
Read More »
ایشیق آذربایجان ادبیاتی، اینجه صنعتی و مدنیت سایتی
