ارکه توخونما!
ح. هریزلی
وطنیمه توخون، ائلیمه توخون
آماندیر سن آلله ارکه توخونما!
وارلیغیما توخون، دیلیمه توخون
آماندیر سن آلله ارکه توخونما!
قارتال یواسی‌دیر، قافلان یاتاغى
عشقین، آزادلیغین یانار اوجاغى
ارک آذربایجانین ظفر بایراغى
آماندیر سن آلله ارکه توخونما!
اویات وجودوندا شوعورو، درکى
چیخیب تاریخ بویو هر بوشو- برکى
اؤزونده آشارسان آشیرسان ارکى
آماندیر سن آلله ارکه توخونما!
