hebib
بوردان بیر آتلی کئچدی
حبیب فرشباف

کوره‌یی،
زولاق – زولاق
اوره‌یی،
زولاق – زولاق
گئجه‌سی آه،
گوندوزو آه،
اربابلارین دونیاسیندا
رعییت‌لیک بؤیوک گوناه!
اوجا داغ باشیندا
بیر آت کیشنه‌دی…
اسدی،
داغدان داغا بو سس.
آخدی،
بولاقدان بولاغا
چاتدی،
قولاقدان قولاغا
بو خبر:
– بوردان بیر آتلی کئچدی
آدی صفر!
توفنگی‌نین نعره‌سیندن
زاغ – زاغ اسدی سارایلار …
یاخالاندی …
آیری دوشدو،
سیلاحیندان
آتیندان
تک بئش آددیم بئله گئتدی
قاباق دووار!
تک اوچ آددیم دا بئله …
آزاد انسان،
بو دار قفس !
یَل هئیکلی یئرلشسه ده
سیغماز اولدو سئللول‌لارا
اولو آرزولار
چتین‌سه ده،
قهرمانجا اؤلوملردن،
قهرمانجا یاشاماق!
او یاشادی…
اونوتمادی ایلقارینی،
اؤلکه – اؤلکه قاناد آچدی
دایانیشی
شؤهرتی.
اؤزعؤمرونو
تک اوتاقدا
او بیر دونیا یاشادی.
گؤیدن اوچ آلما دوشدو…
دیل‌لرده قالدی آدی
هله بلکه آنالاردا،
ائل اوغلونا
بایاتی دا سؤیله‌دی:
بوردان بیر آتلی کئچدی
آتین اویناتدی کئچدی
آی کیمی شفق ساچدی
گون کیمی باتدی کئچدی
۲۰/۱۰/۸۲

2 پاسخ

  1. صفر خانی، حبیب موعللیمین آچدیغی آچیدان گؤرمک، اینسانینی داها دوشوندورور. بو گؤزل شئعرده نئچه بیری- بیرینه باغلی شکیل، صفرخانین قهرمانجا سوردویو حیاتی بوتولوکله، بیر فیلیم کیمی سرگی یه قویابیلیر. حبیب موعللیم ده، قهرمانجا یاشادیغینا گؤره اولو صفرخانی دویوب، جانلاندیماغی باجارا بیلمیشدی. آزاد انسان،
    بو دار قفس !
    یَل هئیکلی یئرلشسه ده
    سیغماز اولدو سئللول‌لارا

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4