چئویرن: حاجی هریزلی
ترجمه: حاجی هریزلی
حاجی هریزلی

(۱) عدالت
قیزیم آرشیتئکت‌دیر. تهرانین زعفرانیه‌سینده بیر بؤیوک ائوین ایچ دیزاینین گؤتورموشدو. ائو صاحیبى خوراسانلى کارخانا صاحیبى مایالى بیر حاجى ایدى.
حاجی‌نین بوتون آل-وئرلرى تهراندا اولدوغو اوچون او ائوى آلیب، دیزاین ائله‌ییب، دؤشه‌ییب اوردا یاشاماق ایسته‌ییردى.
قیزیم دیزاین اوچون حاجی‌نین ایده‌‌یالارینی بیلمک ایسته‌میشدى. حاجى: – «قوناق سالونونو، اوتوراق اوتاغینى، میطبخی و سایره‌نی نئجه صلاح بیلیرسینیز ائله‌یین!» – دئمیشدى. آمما، هر باخیمدان عینى اولان ایکى ایشیق توتان یاتاق اوتاقلاری‌نین عینى دؤشنمه‌سینی ایسته‌میشدى:
– «بو اوتاقلار منیم یاتاق اوتاقلاریمدیر. ائله اولسونلار کى بیر-بیریندن سئچیلمه‌سینلر!».
قیزیم، بئله بیر ایشه راست گلمه‌دیگی اوچون حاجی‌یا سوال وئرمیشدیر:
– «حاجى! ایکى یاتاق اوتاغى،ایکیسى ده عینى شکیلده نه‌یینیزه گرکدیر؟
حاجی، «قیزیم! منیم ایکى عیالیم وار. ایسته‌ییرم نهایت عدالت اونلارین آراسیندا برقرار اولسون.» دئمیشدی.
دئییرم، بیزیم بو اؤلکه‌ده نئجه عادل کیشى‌لر واریمیش، بیزلر خبرسیز قالمیشیق.

(۲) گامیش اوغورلوغو
بیزیم محله‌ده چؤرکچی‌نین کونده سالانى مشدى قنبره هامى «پیشیک قنبر» دئییردیلر.
پیشیک قنبر آنادان اولان گوندن یوخسوللوق ایله ال به یاخا بؤیوموشدو. حیات یولداشى، دؤرد قیز و بیر اوغلو ایله بیرلیکده ،دده‌دن قالان کیچیک مؤهره دووار، قارا سوواق بیر ائوده یاشاردى. او قارا دامین بیر طرفینده یولداشى «سوره» ایش اوزالتمیشدى. بیر بوجاغى میطبخ، بیر بوجاغیندا دا تالوار ویریب، آلتینا زومار ییغیب، اوستونه ده یورغان دؤشک ییغاردیلار. ائوین تندیر اولان یوخارى باشى دا قوناق، اوتراق و عایلوى یاتاق اوتاقلارى ایدى.
بیرگون قنبر قارشیما چیخیب، صمیمى سالام وئریب، گؤروشندن سونرا:- «بیر عرضیم وار»- دئدى.
– «مشدى قنبر خیدمتینده‌یم، بویور!» دئدیم.
بئچاره کیشی‌نین نئچه ایللیک دردى دئشیلدى:
– منیم ائویمه گلیبسن دا؟ نئجه اولدوغونو دا بیلیرسن. نه اولار منه ده بیر «خیّر» تاپ، بیر بالاجا، هئچ اولماسا ایکى اوتاقلى بیر ائو تیکسین دا، آللاهدان خاطیر!»- دئیه-دئیه ده گؤزلرى دولومسونوردى.
– مشدى قنبر نه اولوب؟ خیر اولا؟ او ائو کى سنین اؤزونونکودور. اوردا یاشاماقدان دا راضى ایدین. نه ایچون احوالاتین بئله ده‌ییشیبدیر؟
– «نه اولاجاق آغا، اوشاقلار بؤیویوب. هر نه‌یی ده آنلاییرلار. حلال مِن‌الله آروادیمین یانینا گئتمک گامیش اوغورلوغونا گئتمکدن چتین اولوب»- دئدى.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

سندلی حیات حئکایه‌جیک‌لری (۱)

حاجی هریزلی
www.ishiq.net

آذربایجان ادبیات و اینجه‌صنعت سایتی

سندلی حیات حئکایه‌جیک‌لری (۱)

حاجی هریزلی
www.ishiq.net

آذربایجان ادبیات و اینجه‌صنعت سایتی

سندلی حیات حئکایه‌جیک‌لری (۱)

حاجی هریزلی
www.ishiq.net

آذربایجان ادبیات و اینجه‌صنعت سایتی