اوخوماق زامانی: 2 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: محمد احمدی‌زاده
ترجمه: محمد احمدی‌زاده
محمد احمدی‌زاده
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

یحیی دئدی:  بو میللت قویوندو، هئچ زاد قانمیر. چونکو اگر قانسایدی، بو قدر عدالتسیرلیغین قارشیسیندا دایاناردی آخی.
یحیی نین بو سؤزوندن او گون چوخ اوزولموشدوم. اونو چوخ سئوردیم. زامانیندا هم منه موعللیم اولموشدو، هم ده سیرداش. آمما میللتیمیزی قویون آدلاندیرماسیندان اینجیمیشدیم او گون.  خاطیرلاییرام بو سؤزو اوندان ائشیدندن سونرا، اؤز اؤزومه دوشونموشدوم:
” یحیی نین آغزیندان آخی بئله آت گئتمز سؤزلر چیخمازدی، گؤره سن نئیه بس، خالقیمیزا سایقیسیزلیق ائتدی؟ ”
دئیه بیلرم کی ائله آغلیما گلن بو سووال، بیر سورو موتسوزلوقلاریمین باشلانقیجی اولدو.
او گون دوشوندوم ده، منیم تانیدیغیم یحیی بوش بوشونا کی دانیشمازدی، یقین بیر شئیلر حیسس ائلیه‌ییب و یاخود بو سؤزونون آرخاسیندا منیم گؤره‌مه‌دیگیم بیر شئیلر گیزله‌نیبدی. ائله او گیزلی شئیلری تاپماق آماجیلا، من ده قراره گلدیم کی، اگر اورتالیقدا قویونلوق آدیندا بیر زاد وارسا، آرتیق اوندان قورتولمالییام.
او گوندن بری هئی چالیشدیم بیر طهر چاره یولونو تاپیم، بلکی هئچ اولمازسا، قویونلوغومدان بیر خیردانا آزالسین.
و یاواش یاواش گؤزوم آچیلماغا باشلادی. آمما..
آمما نه یازیق کی گؤزوم آچیلدیقجا، ایچیمده بیر سورو قریب آجیلار دا اویانماغا باشلادیلار. یئنی دردلر اورتایا چیخدیلار و گئت گئده، هم ساییلاری چوخالدی هم ده درینلیکلری.
نفس باد صبا موشکولومو چوخالداجاق
چشم نرگس ائله بیل قویونلاری قوجالداجاق
گئجه گوندوزاوخودوم یازدیم، اوخودوم یازدیم. هر یانا ال قول آتدیم. و آرد آردا سورولار قارشیما چیخدیلار.
ز کجا آمده‌ام، من نئیه اولموشام قویون
هارا بس من گئدیرم، کیم دئدی تئز، سن ده سویون
آسمان بار امانت نتوانست کشید
دئدیلر سن قویون اول، چاره یولون یوخدو ائشید
قدیم کیشیلر دئمیشلرکی، اؤلوم آنیندا هر شئی اینسانا بیر آن آشکار اولار. اگر بو سؤز دوغرویسا، او زامان قویون اولماق، اؤلوم آدیندا فیلمین آغیر چکیمی اولمالیدیر. چونکی نئجه کی من اؤز قویونلوغومو گئتدیکجه کشف ائتدیم، ائله اونون یانیسیرا دا بو یئنی تاپدیغیم حقیقتلر اورتایا چیخدیلار. یاواش یاواش هر شئی گؤزومون قاباغیندا آشکار اولماغا باشلادی
آمد سحری ندا ز میخانه مرا
چاره یوخدور گؤزلیم، گل بورا سن ده  دوز یالا
آمما بیلمیرم ندنسه او قویونلوق دویقوسو جانیمدان چیخمادی کی هئچ، آرتی بو کی گئتدیکجه موتلولوغومدان دا آزالدی.
سانیرام هر نه قدر بو قویونلوق مسئله‌سینین اوستونده دوشونوب، فیکیر ائله سن، حیاتیندا کی حیسس ائتدیگین خوشبختچیلیقدان دا، بیر او قدر آزالار.
کاش یحیی بو یازیمی اوخویایدی:
یحیی! منیم عزیز دوستوم، سن دوز دئییردین، بیز ائله هامیمیز قویونوق.
آمما بعضیلریمیز هئچ بیر زاد دان خبرسیز، خوشبخت یاشاییر. بعضیلریمیز ده باخیر، دوشونور. ائشیدیر، دوشونور. اییلیر، دوشونور و دوشوندوکجه ده دردلری آرتیر.
آمما ایشین ایلگینج یئری بیلیرسن می نه دیر؟
من بئله خیال ائدیردیم کی، چالیشینجا، گؤرونجه و دوشونونجه قویونلوقدان خلاص اولاجام. آمما نه یازیق کی، یامان سهو ائتمیشدیم.
منجه حیاتدا بیر بیزلر واریق، بیر ده اونلار.
بیزلری ده ایکییه آییرمالی‌ییق. بیلنلر و بیلمه‌ینلر.
گؤرونوشه گؤره  قویون اولوب اولماماق، بیلگی ایله هئچ علاقه‌سی یوخدور. بیلن ده قویوندور، بیلمه ین ده. فقط بیلن دردلی و بیلمه ین ایسه دردسیز قویون ساییلار.
اونلار آز اولسالار دا، اصلینده مسئله، بیزیم اللریمیزله یوخ، بلکی اونلارین اللری ایله حل اولمالیدیر.
اولابیلر کی من ائله حیاتیمین سونونا قدر، قویون اولاراق یاشاییم، اینان کی هئچ بیر شئی دئییشیلمز. موشکول منیم قویون اولوب اولماماغیملا حل اولمایاجاق.  فقط  یئتر کی اونلار قویونلوقلاریندان ال چکسینلر.
آمما یحیی! سنجه اونلار، قویونلوقلاریندان واز گئچرلرمی؟
بیلرسن می یحیی!؟ دونیامیز یامان دئییشیلدی.
آرتیق کلفچه نین باشی، بیزیم کی کیمی قویونلارین الینده دئییل.

اشتراک گذاری در print
چاپ

2 پاسخ

  1. ماحمود بئی! یحیی هر کس و یاخود، ائله من اؤزوم ده اولا بیلرم. آخی بو یازیدا، یحیانین سؤزو اؤنم داشی ییر، اؤزو یوخ کی!

  2. سایین محمد احمدزاده یحیی بئی کیمدیرپ/چونکو اولا بیلیرکی منیم کیمین بیر چوخ اینسان یحیی بئیی تانیماسین.جواب یازارسینیز سپرونیرم.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

محمد احمدی‌زاده

محمد احمدی‌زاده

باشقا اثرلری