ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری


تولكو ايله‌ قارقا
حبیب فرشباف

 بير قارقا اوچا – اوچا

پنير گؤردو بير پارچا،

 قوندو آغزينا آلدي‌،

يئنه‌ده‌ قاناد چالدي‌.

 يول‌ اوسته‌كي‌ چینارا

قوندو او آلا قارقا.

 چینارين‌ كؤلگه‌سينده‌

 چیمنلرين‌ اوستونده‌

 بير تولكو مورگولوردو،

قارقا اونا گولوردو.

 تولكو قالخيزدي‌ باشين‌،

قارقايا چاتدي‌ قاشين‌.

 سونرا گؤره‌ك‌ نئيله‌ دي‌

او قارقايا سؤيله‌دي‌:

 ـ سن‌ نه‌ قشنگ‌سن‌ آ قوش‌ !

سن‌ نه‌ ملك‌سن‌ آ قوش‌!

 رنگين‌ نه‌ قَمَري‌ دير

با خاندا غم‌ اَريدير!

 آياقلارين‌ اينجه‌دير ،

اولدوز گؤزلرينجه‌دير،

 سسين‌ نئجه‌دير گولوم‌

بير اوخو من‌ده‌ بيليم‌!

 قارقا حيله‌ني‌ دويدو

پنيري‌ يئره‌ قويدو،

 ديرناقلاريندا توتدو

اوچو ساينجا اوتدو،

 ديمدي‌يين‌ چكدي‌ يئره‌

اوخودو بيردن‌ بيره‌:

 عزيزيم‌ حيله‌ كارا

 اولمادي‌ حيله‌ كارا

 كئچدي‌ پخمه‌ زاماني‌

 تولكو گزمه‌ بئكارا !

تولكو اَيري‌ – اَيري‌ باخدي،

‌ گؤزلريندن‌ ياش‌ آخدي‌.

 اَله‌ آلماقچون‌ اؤزون‌

 تولكو زمزمه‌ ائتدي‌

 بؤيوك‌ صابرين‌ سؤزون‌:

 «اوندا كي‌ اولاد وطن‌ خام‌ ايدي‌

 آخ‌ نئجه‌ كئف‌ چكمه‌لي‌ ايام‌ ايدي‌»

یک پاسخ

  1. سلام . بو شعری اوستاد حبیب فرشبافین باشقا شعرلری برابر اوخوماق اوچون باخین:

    اوشاق نغمه لری. 36 صحیفه. گلاسه کاغاذ اوستونده و بوتونلوکله رنگلی.انتشارات پیشگامان پژوهش مدار . تهران(88345217).

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *