نیفرت
حبیب فرشباف
خيالسيز اولدوم‌سا
انتظاردا قالديم سحره‌كيمي؛
اضطرابسيز آنلاريمدا
يئديگيم چؤره‌يه حاييفيم گلدي.
ايستك‌سيز مومكونسه‌ده،
نیفرتسيز مومكون دئييل بيزيم يئرده ياشاماق!
اللريمي دووارلارا سورته – سورته
آختاريرديم اؤزومو،
سن مني منيم ياديما سالدين.
سنه بوتون نیفرتيمي بورجلويام!
گاهدان – قورخودوم –دئيه
گؤزوباغلي بير اینساندان يئنه سن
آد- سانيمي خبر آل!
قوي نیفرتسيز اولماييم.
ياي –77
یک پاسخ
عشق اولسون حبیب موعللیمه . منیم کیتاب سرگیمه گلدی و حقیقتا اوره ییمی سئویندیردی. ائله بئله سی موعللیملر اینسانلارین اوره یینده کندیسینه اؤزه ل یئر آچار