معلم اوره‌یی
حبیب فرشباف
آددیملاییر کوچه – کوچه شه‌هری
دؤنگه‌دن، دؤنگه‌یه
آغیرلاشیر شله‌‌سی؛
باخیش‌لاردان
ایرنج‌لیک تؤکولور
اؤز- گؤزونون قاراسینا؛
تکجه یاتیر اوره‌یینه
کؤپه‌یینی خاطیرلادان
چولاق ایتین باخیشلاری.
بیرگون کؤهنه پلاستیک‌دن دویور قارنی،
بیرگون خیردا در- دمیردن،
بیر گئجه‌ده میداد گیریر یوخوسونا
خیردا، قارا اللری
آغ بیر کاغاذ تاپان زامان.
آنجاق
هانسی بیر کیلاسدا
هانسی بوش یئر
سانجیلیر تیکان کیمی
بیر معلم اوره‌یینه.
تهران – ۷۸
