(۱) سپیده خمسه نژاد(و آدم مرز را آفرید)
قوشلار اوچاندا سرحد تانیمیرلار
اینسانلار-
سئونده
و اینسان سرحدی یاراتدی-
یالقیزلیغین کیچیلتمک اوچون.
(۲) نازنین نظام‌شهیدی(بر سه‌شنبه برف می‌بارد)
قار تمیز‌له‌ینلر،
ال ساللاییرلار.
سه‌شنبه‌یه قار یاغیر.
ال ساللاییریق:
«الویدا…»
قار تمیز‌له‌ینلر
سنین اوزوندن
سه‌شنبه‌نین قارین سوپورورلر
من ال ساللاییرام-
شکیلینی سیلیرم
«الویدا…»
بوش جاده‌یه قار یاغیر
و بیر قار تمیز‌له‌ین
ده لیجه‌سینه
بوغازین بویانینا- اویانینا وورور
بوغازیمدا سنین آدینا قار یاغیر…
(۳) آزاده بشارتی(سیاه آغوش)
دئدیلر خوشبخت‌لیک-
اوتوبوس دایاناجاغینداکی سیرادیر
و من او ایزدیحام آراسیندا
آرتیق بیلیت آختاریردیم
ائی قوجاغین قاراسی!
سن، منده کیمی آختاریرسان؟
(۴) علیرضا عباسی(درخت)
آغاج
یاندیغی زامان اوخویار
کیچیک بیر قوش-
اوره‌یینده قالمیشدی
(۵) محمد رضا عبدالملکیان(چهار فصل)
پاییز
بو دره‌ده
توکه‌نر
آغاج
بو کند‌ده
گلین اولار
و باهار
بو باغلیق دا
سنه باخار
و سبت توخویار-
گلن فصلین مئیوه‌لری اوچون
(۶) اکبر اکسیر(همراه اول)
جاده ده، خییابان‌دا
ایداره ده، ائوده
مدرسه ده، بازاردا
توی دا، یاس دا
بو قده‌ر گؤزونن
هئچ کیم یالنیز دئییل!
(۷) فرهاد عابدینی(کوه را از من گرفتید)
داغی مندن آلدیز
ایرماغی
دَنیزی
و ماوی گؤیو
گولو مندن آلدیز
گؤزللییی
ایشیغی
ایندی
هانسی گؤی‌ده‌له‌نین باشیندان-
باغیریم
سیزین شَهرده
توستو و آلچاقلیقدان باشقا-
بیر شئی یوخدور
سیزی آللاها آند اولسون
سئوگینی-
مندن آلمایین
(۸) قیصر امین پور(سفر ایستگاه)
قاتار گئدیر
سن گئدیرسن
بوتون دوراق گئدیر
و من نه قده‌ر ساده‌یم
ایللر بویو اینتیظاریندا-
بو گئتمیش قاتارین یانیندا دورموشام
و ائله ده گئتمیش دوراغین بارماقلیغینا دایانمیشام!
(۹) خسرو گلسرخی(هیمه)
یوخ سانما کی هاوا سویوقدور
من، کوله‌یین باسقینیندا
بیر یئرده دونیانین بوتون اودونلارین-
ییغمیشام ائویمین آخارسینا
و اود توتموش بیر باغین دوشونجه‌سینده‌یم-
یالنیزجا
من اودونام-
یاخشی قارداشیم،
سیندیر منی-
اوتاغینین سویوق سوباسی اوچون
اود وور منی…
من اودونام-
یاخشی قارداشیم…
(۱۰) سارا محمدی اردهالی(گلویت)
گئجه‌نین یاریسی
سسین گلیر
دؤنورم سنه ساری
« سو ایستیرسن؟»
نه خَیال لار دوشور آغلیما
آخی قارانلیق سو ایستر
دئییرسن هه
