«عباس کیارستمی»دن قیسا شعرلر
عباس کیارستمی
چئویرن: مجتبی نهانی
ترجمه: مجتبی نهانی
مجتبی نهانی
00:00
00:00

(۱)
گولومسه‌ییرم
ندن‌سیز
سئویرم
اؤلچوسوز
یاشاییرام
قایغی‌سیز
نئچه موددت‌دیر.

(۲)
قاپی‌نین یاریغیندان
شاختادا گلیر
آی ایشیغی دا.

(۳)
ائودن
خییاوانا سیغینیرام
خییاواندان
ائوه.

(۴)
باهاری اؤیمه‌یین
و پاییزی دانلاماغین-
نه فایداسی
بیری گئتدیکده
او بیریسی گلیر.

(۵)
آی‌ین سوسقونلوغو
اوره‌ییمی
سیندیریر.

(۶)
قارغالار
ایلک قار اوچون
سئویندیلر
بوتون قارا گئییملی.

(۷)
کیچیک بیر فیدان
بوی آتیب، اوجالیردی-
گؤیه ساری
بالتادان خبرسیز.

(۸)
چوخلو گیلاس چیچکلرینین یانیندان
قارا گئییننلر
بیر جنازه‌نی یولا سالیرلار.

(۹)
کیمسه دووارین او تاییندادیر
کیمیسه بو تاییندا
نه او بیلیر
نه بو
تکجه بیلن شاعیردیر.

(۱۰)
جئبیمده هئچ‌نه‌ییم اولمایاندا
شعریم وار
یخچالیمدا هئچ‌نه‌ییم اولمایاندا
شعریم وار
آنجاق اوره‌ییمده هئچ‌نه‌ییم اولمایاندا
هئچ‌نه‌ییم یوخدور

عباس کیارستمی
اشتراک گذاری در print
چاپ

یک پاسخ

  1. بو آدام(عباس کیارستمی)بلکیده سون فیلمی ایدی کی بیز تورکلری دیلینی مسخره ائله میشدی ندن بونون شعرلرین تورک دیلینه چؤوردینیز کی؟

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

«عباس کیارستمی»دن قیسا شعرلر

مجتبی نهانی
www.ishiq.net

آذربایجان ادبیات و اینجه‌صنعت سایتی