چئویرن: مجتبی نهانی
ترجمه: مجتبی نهانی
مجتبی نهانی

*غلام رضا بروسان

 (۱)”یالقیزلیق”

یالقیزلیق، اوتوبوسدا قیرخ دؤرد نفر دیر
یالقیزلیق، قاتاردا
مین نفر.
سنی دوشونورم
باغلی گؤزلرده چوخلو گونش وار
سنی دوشونورم
سونرا هر گون
بوتون دیشلریمین ساییسی قده ر-
سیگار چکیرم.
بیز یاغیش کیمی ایک
بیر-بیریمیزی ایسلادیریق.

(۲) “رویا”
گؤزلریمی باغلاییرام
سونرا آغزیمی رویادان دولدورورام
آرخاما اوزانمیشام
اوره ییم، باشیمی ترپه دیر.
باخ،
بو بوداق دا منیم کیمی دلی دیر.

 (۳)
قوی داغ قارداشیم اولسون
مئشه، قادینیم
دنیز، آتام
ایرماق، آنام
باجی لاریم-
سو، اود، یئل
پییادا یوللاری-
اوشاقلاریم
– قیزیم و اوغلوم –
بو خییابانین یاسیندا آغلاسینلار.

 (۴)
دئه نئیله ییم؟
آیریلیق دادی وئرن ایستی اوتونان
فصیلی تانیمایان آغری یلا
دورماق بیلمه ین قان لا
دئه نئیله ییم؟
سئوینج، بیر اوچورتمانین قویروغونا-
باغلی اولان زامان
کدر، داش کیمی
بیر دره نین ائنیشینده-
منی قووالاییر
اوره ییم، شاه توت بوداغی
یئل،
اونون قانین، دار-دووارا سپله ییبدیر.

(۵)
دنیز،
منیم اؤلکه مده آغیللی دیر
سرحدلری تانیییر
قانداللاییر
دوستاغا سالیر.
دیک باشلیق ائدن-
هر دالغانین باشین-
سویا باسیر.
منیم اؤلکه مده
سو، سودان تکان یئمیر.

الهام اسلامی

(۱)
سنین گؤزللییین
چای سینی سینی چؤنده ریر
کدرلی یم
بیر اوشاغی دونیایا گتیرمه میش کیمی کدرلی یم
منی سئوگینن
ائله یئتیشدیریم سنی
بوداقلارین سینماغا اومیدلنسین لر
من، بیر اکینچی قیزییام
سو اول، منیم له مئهربانلاش
ترسلیک ائتمه
منیم اوره ییم، سنین آددیملارینی-
اؤتوب کئچیر
قوی گئجه گلسین-
خییابانی خلوتلدسین
سنی قوجاقلاییم
سن بیر دووارسان-
هئچ قاپی کدریندن آزالتمیر
هر زامان چای ایچیرسن،
شعر اوخویورسان
سنین سسین داریخدیرمیر منی
یالقیزلاشدیریر…

(۲)
بعضن گولورم
بعضن آغلاییرام
آغلاماق آمما چوخلو اولور
هر حالدا اینسان
پالتارلاریندان بیریسین داها چوخ سئور.

(۳)
ساچیمین سانجاغی،
عشقدن-
بیر شئی آنلامیر
تکجه بونو بیلیر
نئجه
سن گلنده
گؤزللشدیرسین منی.

*غلامرضا بروسان فرزند شهید بروسان، همراه با همسرش، الهام اسلامی شاعر و دختر خردسالش، صبح یک روز پائیزی (۱۴ آذرماه سال ۱۳۹۰) در یک حادثه رانندگی کشته شدند، اما پسر خردسالشان به نام مجتبی از این حادثه جان سالم به در برد.
بروسان در سال ۱۳۵۲ در مشهد به دنیا آمده بود. او از ۱۸‌سالگی شعر می‌سرود که مجموعه‌ شعرهای «احتمال پرنده را گیج می‌کند» و «یک بسته سیگار در تبعید» حاصل سال‌ها فعالیت او در حوزه ادبیات است.
او بارها از سوی محافل ادبی برگزیده شد که جایزه‌ شعر خبرنگاران و همچنین برگزیده دومین دوره شعر نیما از آن جمله است.
الهام اسلامی، همسر بروسان نیز ۲۸ سال داشت که با شعر «دنیا از ما چشم برنمی‌دارد»، نامزد دومین دوره جایزه شعر زنان خورشید معرفی شده بود. او نامزد سومین دوره جایزه کتاب سال شعر جوان نیز شده بود.
بروسان، فرزند یکی از شهدای هشت سال دفاع مقدس نیز بود که یک مجموعه‌ مرثیه را در قالب آزاد برای پدر شهیدش در دست انتشار داشت.

چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

فارس شعریندن ترجمه‌لر (۴)

مجتبی نهانی
www.ishiq.net

آذربایجان ادبیات و اینجه‌صنعت سایتی

فارس شعریندن ترجمه‌لر (۴)

مجتبی نهانی
www.ishiq.net

آذربایجان ادبیات و اینجه‌صنعت سایتی

فارس شعریندن ترجمه‌لر (۴)

مجتبی نهانی
www.ishiq.net

آذربایجان ادبیات و اینجه‌صنعت سایتی