گؤرکملی شاعر ناصر مرقاتی‌نین «غوربت دئینتی‌لری» آدلی شعر توپلوسو یاشماق سیرا کیتابلاریندا گونش قلم یاییم‌ائوی طرفیندن ایشیق اوزو گوردو. کیتابی ساهمانلایان، شاعرین دوستو «مسعود اورنگ»، نشره حاضیرلایان ایسه «سعید موغانلی‌»دیر.
اثرین ۲۰ صحیفه‌لیک بیرینجی اؤن‌سؤزو تانینمیش ادبیاتشناس «همت شهبازی» طرفیندن یازیلمیش و موللیفین پوئزیاسی گئنیش شکیلده تحلیل ائدیلمیشدیر. ایکینجی اؤن‌سؤزو ایسه آلمانیادا یاشایان آذربایجان شاعری «عزیز سلامی» قلمه آلمیشدیر. کیتابین جیلد قابیغینی مهیار علیزاده (آیخان) ایشله‌میشدیر.
بوندان اؤنجه 1377نجی ایل، ناصر مرقاتی‌نین «تالانمیش گونش» باشلیغی آلتیندا ۷۲ صحیفه‌لیک بیر شعر توپلوسو «اندیشه نو» انتشاراتی طرفیندن یاییلمیشدیر.
ناصر مرقاتی 1328نجی ایلین تیر آیی‌نین 16سیندا تبریز شهرینده آنادان اولموش و 1403نجی ایلین آذر آیی‌نین ۲۳-ده آلمانیانین برلین شهرینده وفات ائتمیشدیر.