یوللار قانلی، قادالی
یوللار هایلی، هارایلی
یوللار دویون- دویوندور…
بیز قاییتدیق؛
یارالاریمیز قان وئریردی
دیشیمیز باغیرساغیمیزی کسیردی؛
گلیردیک، گئدیردیک
سئل کیمی آخیردیق خیاونلارا،
وطن دئیه- دئیه باغیریردیق.
شههر اود پوسگوروردو
دام- دوواردان مرمی یاغیردی؛
کؤلگهلریمیزی ده نیشان آلدیلار
گؤزلریمیزی ده نیشان آلدیلار.
دان سؤکولمهدن
اوفوقوگؤرمهدن
گوزلریمیزی باغلادیلار،
گونشی اوغورلادیلار.
بیز قارانلیقدا دوغولدوق
قارانلیقدا دا اؤلدوک
بیر اودوم هاوادان،
بیر اووج ایشیقدان اؤتور.
28-10-1404
