بوگون چهارشنبه 1 اردیبهشت 1400 ساعات 06:32
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

hebib farsh
کیچیک شعرلر
حبیب فرشباف

اومید

دومان باسمیش

گؤزدن ایتمیش آرزولار

اومید گود‌ک

یوْل‌لار اوزون،

انتظاردا-

آرخامداکی اوچولمامیش کؤرپولر

قایـیتماغا الده مین بیر باهانا.

دومان

هاوادا دومان

حالیم یامان

آغلـین اؤزو ائنیشه‌دیر

آمان دلی گوندن!

اوره‌ییمده بیر چیرپینتی

بولاشما بیر گومانا

یـئنه اومید منی چکیر

اوزو یوْخوش دومانا.

اعتماد

اعتماد اوزه‌ریندن،

باشیم بؤرکسوز اولمادی …

ال چکمه‌دیم عنادیمدان

تکجه بونا اینانیرام:

اینانمامازلیغا

اینانمایاجاغام

هئچ زامان.

مکتوب

بلکه، ائله بئله گئتسه،

دیلین ، دیلیم اولاجاق !

من آتامین آتاسینا یازمادیغیم مکتوبو،

سن آتانین آتاسینا یازارسان!

یازارسان کی:

– راحات یاتین چیچکله‌نیب آرزولار-

بلکه تاپیب بابامادا اوخودوم.

عنوانیما فکس ائده‌رسن:

ملیک یئری،

قطعه آلتی

نمره اون اوچ،

اون بیرینجی مرتبه.

باهار

گؤی اوخودو نغمه سینی

دامجی – دامجی؛

یئردینله‌دی بوماهنینی

چیچک – چیچک؛

امضالاندی سمالاردا بومحبّت،

بوسئو ینجک.

هله

گؤیدن اوچ آلما دوشمه‌میش هله

قیریلدی صحبتی

قوش قانادی تک:

– آتا ! بس سونرا نه اولدو؟

سینه‌سی‌نین توستوسونو

بیر نفسه بوشالتدی.

هئچ نه – دئدی – بالا!

آتام‌دا بو یئرده بیر کؤکس اؤتورموش،

آتامین آتاسی دا.

دئمک،

بیر آه لا نقطه‌لنمیش

اوچ نسلین افسانه‌سی.

خیانت

نه ساغ گؤزونه تاخیلان اوخ،

نه آلنینی شاققالایان قیلینج،

نه کؤکسوندن-

فیشل- فیشل قان فیشقیردان

قورقوشوملار

آیاقدان سالمادی قهرمانیمی!

تکجه کوره‌ییندن،

آخ… کوره‌ییندن

قفیلدن آچیلان خیردا بیر یارا

نئجه جان اوزوجو،

نئجه دؤزولمز اولدو….

دونن بئله ایمیش،

بوگون ده بئله،

هله بلکه صاباح‌دا بئله!!

سفر

سفرده‌یم:

گوندن – گونه،

آیدان – آیا،

ایلدن – ایله

سفرده‌یم

کوره ییمده،

دیله ییمین آغیر لیغی،

اوره ییمده،

دول- بوشالدا

غم‌له، سئونیج

گوز لریمده

هجران بویدا کد‌ر.

تؤوشه مه دیم هئچ سفرده

فیکیرلردن ، فیکیرلره

سفریم قده‌‌ر.

خسته خانادا

اؤلوم قوندو دووار اوسته،

اوره‌یمیدن بیر داغ کئچدی

بیرده سن!

آنجاق سنی

ائله گیزلی

ائله گیزلی

خاطیرلادیم کی

اوره‌ک اؤلچن دزگاهلاردا دویمادی

اونلار تکجه

کاغاز اوسته

داغ عکسینی چکدیلر

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *