(۱)
سن ای منیم اؤلکه‌م
اؤزونه گل!
ماوی گوزلریندن بویلان
باییرا چیخ!
کیمسن سن؟
ندن بئله‌جه گوزه‌ل‌سن؟
ندن آللاهلیق اؤرتوگونده گیزلنمیسن؟
چتین وسسسیز یوللاردان گلیرم ایندی
اودلا یوموشام اوره‌ییمی
بویلان گوزلریندن و
باییرا چیخ!
سنله دانیشماق ایسته‌ییرم.
آمما
گوزلرده گیزلنمیش گؤزه‌للیک کیمی یوخ,
“آی” کیمی سویون!
(۲)
بیز ال چکمه‌ریک بو مملکتدن
اولسون کی آللاهلیقلار
اومیدسیز بوش وئریرلر
بو مملکتی.
بیز ال چکمه‌ریک بو مملکتدن
دؤیونمز اوره‌ییمیز اونسوز.
و
دؤیونن اوره‌ییمز آللاهلیقا چاتار
بو مملکتین سئوگیسیندن…..
(۳)
سنین‌چون دوشونمک
یاساق
سندن دانیشماق
یاساق
سنه باخماق
یاساق
سن ایله یولداشلیق
یاساق
یاساقلار ایچینده
یاشاماق
چتیندیر چتین..
