یاواش- یاواش
هریزلی
اریییر هجرانین بوز صلابتی،
وصال آرزوسویلا دؤز یاواش- یاواش.
هجران سویوغوندا اوشوین جانیم
چیخیر کول آلتیندان کؤز یاواش- یاواش.
کاش سئچه بیلئیدیم قیزیلی میسدن،
قالقان کوللارینی لاله، نرگیزدن،
قارانلیق چکیلیر، یاخشینی پیسدن-
کاش آییرا بیله گؤز یاواش- یاواش.
هجرینده عؤمرومو وئرمیشم بادا،
نغمه‌م چئوریلیبدی ناله، فریادا،
” اؤلسمده سیرریمی آچمارام یادا”
سنه آچاجاغام سؤز یاواش- یاواش.
