ياواش- ياواش
هریزلی
ارييير هجرانين بوز صلابتي،
وصال آرزوسويلا دؤز ياواش- ياواش.
هجران سويوغوندا اوشوين جانيم
چيخير کول آلتيندان کؤز ياواش- ياواش.
کاش سئچه بيلئيديم قيزيلي ميسدن،
قالقان کوللاريني لاله، نرگيزدن،
قارانليق چکيلير، ياخشيني پيسدن-
کاش آييرا بيله گؤز ياواش- ياواش.
هجرينده عؤمرومو وئرميشم بادا،
نغمه‌م چئوريليبدي ناله، فريادا،
” اؤلسمده سيرريمي آچمارام يادا”
سنه آچاجاغام سؤز ياواش- ياواش.