اوره‌ییمین ایشیغیندا
حسن ایلدیریم
سوزوله – سوزوله
کئچیرم
فصیل‌لرین، ایل‌لرین ایچیندن .
ارییه – ارییه
ایچیمدن کئچیر
زامان!
بیر قوم ساعاتی کیمی
یاشانیر عؤمور
ساچلاریمین رنگی
سؤزلریمین آهنگی
ده‌ییشه- ده‌ییشه
گونو – گوندن بؤیویور دونیا
گؤزلریمده
حقیقت‌لر ، سیرره دؤنور
بیلمه‌جه‌لر چوخالیر
اینانج‌لار اینجه‌لیر
رؤیالار یوزولماییر
آرزولار چین اولماییر
آمما اوره‌ک!
سئوگی‌یه دولا – دولا دؤیونور
دورولا- دورولا بوللورلانیر
ایشیق ساچیر
اوره‌ییمین ایشیغیندا
هرشئی آیدین گؤرونور
منه!
اوره‌ییم‌له باخیرام
یول‌لارا ، آدام‌لارا
باخیرام
سنه ، اؤزومه
باخیرام
اولوما ، اؤلومه
و
بیرده …
۱۳۸۷
یک پاسخ
یاشاسین اوستادیمیز، کئشکه هامیمیز بو جور بیر اورک له دونیایا و کایناتا باخاق. هر شئیی دوم- دورو گؤرک و بو بولاشیق دونیانین سویو دورولسون بو جور باخیشلارلا…