دور گل کی گونش گونده‌لیین ساتدی بو گون‌لر
ظولمت قاتینی چیینیمیزه چاتدی بو گون‌لر
آغلار باهارین باغری یامان بوردا بیچیلدی
سسیزجه‌سینه خوش گونوموز باتدی بو گون‌لر
ایللردی بو اؤلکه‌م اوره‌یی نیسگیله باتمیش
آرسیزجا بئیینلر باشیمی قاتدی بو گون‌لر
من هاردان آلیم دالغالاشان گؤزلری سنسیز
آللاه دا منیم کؤنلومو آللاتدی بو گون‌لر
من بیر یولا دوشدوم کی سحر اوردا آچیلماز
آچمیش‌سا بو یول دیزلری سوستالتدی بو گون‌لر
گل آرخایین اول سینمیش اوره‌ک‌لر سنی گؤزلور
بیر اوخشاما چال بلکه گونش یاتدی بو گون‌لر
نئیلیم آخی یانمیش اوره‌ییم بوردا اووونمور
دور گل کی گونش گونده‌لیین ساتدی بو گون‌لر
مهدی قاسم‌نژاد(آیدین صاباح)
چئویرن: مهدی قاسم‌نژاد(آیدین صاباح)
ترجمه: مهدی قاسم‌نژاد(آیدین صاباح)
سسلندیرن: مهدی قاسم‌نژاد(آیدین صاباح)
- شعر
- اوخوماق زامانی: < 1 دقیقه
- https://ishiq.net/?p=35689
چاپ
