اولدوزلانار اولدوزلاریم آخشام گیله‌لردن
هر گون آلیشیب یانمادایام لام گیله‌لردن
قورخوم بودور حسرت قالام آرتیق سنه سنسیز
سنسیز نه سالیم کؤنلومه من تام گیله‌لردن
بیر باغچا گولوش سولدو منیم دیل- دوداغیمدان
دور گل کی سیناقلاشدی بو آرخام گیله‌لردن
من چیلخالاشاردیم او اؤتن خاطیره‌لرده
ایندی گره‌کیر کی یئنه قورخام گیله‌لردن
من سنده یاشیللانمیش اوبامدان نه اوموم کی!؟
وئرسین بئله‌سی کؤنلومه ایلهام گیله‌لردن
ایندن بئله نیسگیل من ایلن قول- بویون اولموش
آرتیق داها بو ایزلری سورمام گیله‌لردن
من ظولمته قارشی چیخاراق سؤیله‌دیم هر آن
اولدوزلانار اولدوزلاریم آخشام گیله‌لردن.
مهدی قاسم‌نژاد(آیدین صاباح)
چئویرن: مهدی قاسم‌نژاد(آیدین صاباح)
ترجمه: مهدی قاسم‌نژاد(آیدین صاباح)
سسلندیرن: مهدی قاسم‌نژاد(آیدین صاباح)
- شعر
- اوخوماق زامانی: < 1 دقیقه
- https://ishiq.net/?p=35322
چاپ
