سنسیز هله‌دیر اؤلکه‌می خان پای- بؤلوش ائتدی!!
سنسیز او گئچن گونلری قان پای- بؤلوش ائتدی
ایللردی اؤتن یازلاری گؤز – گؤز دولانیردیم
دور گل کی بو گؤزلری، گومان پای- بؤلوش ائتدی
گَل نیسگیل آخیر ساغ قلمین سول یاناغیندان
سولغون بو واراقلاری رومان پای- بؤلوش ائتدی
دویغوم دا گونش گؤزلمه‌سیندن جانا گلدی
شعریم‌سه هیجالاردا سامان پای- بؤلوش ائتدی
من سندن اوزولدوم گیله‌مین قارقیشی اوسته
نئیلیم آخی یاز، درده اومان پای- بؤلوش ائتدی
ساچلار دا پاییز تک سؤزومه سولدو سارالدی
یاز یوللارا، سئوگیم ده یالان پای- بؤلوش ائتدی
قالدیم داهی منسیز نئجه دؤزدون یوخولاردا؟؟
گل گؤر نئجه بو اؤلکه‌می خان پای- بؤلوش ائتدی!!
مهدی قاسم‌نژاد(آیدین صاباح)
چئویرن: مهدی قاسم‌نژاد(آیدین صاباح)
ترجمه: مهدی قاسم‌نژاد(آیدین صاباح)
سسلندیرن: مهدی قاسم‌نژاد(آیدین صاباح)
- شعر
- اوخوماق زامانی: < 1 دقیقه
- https://ishiq.net/?p=33989
چاپ
