یئنه ساچلار النیر آغ داراغین اوستونه اوف…
یئنه قاشلار قاماشیر کور چیراغین اوستونه اوف…
یئنه نیسگیللی گزیر یوللاری یورغون باخیشیم
هله قات- قات قالانیر تار- تاباغین اوستونه اوف…
آسیلیر جوت باخیشیم کلمه‌لرین قوینونا آه
یازاریم، باش اییر هر آن واراغین اوستونه اوف…
دئمه دردلر یئنه آغناشمادادیر اوستوموزه
سنلی گونلر نه سیزیلدیر دوداغین اوستونه اوف…
تیتره‌ییب کوسدو باهار گول چیچه‌یین نیسگیلینه
قیشقیریق سالدی گونش یول یولاغین اوستونه اوف…
و منیم بوش اوره‌ییم بوردا اؤزون داندی بوگون
بیرده قونماز داها بو نار ساپاغین اوستونه اوف…
حسرتین گؤر نه آداخلانمیش اوره‌ک بویدا منه
گل کی آلداندی گولوم اوف؛ اوراغین اوستونه اوف…
نازلیجام ساغ گؤزوم ایللردی کی هر آن سول آتیر
اودو ساچلار النیر آغ داراغین اوستونه اوف…