دور گل بو یئتیم دویغولارا من قاپاز اولدوم
سسسیزجه باهار کونلومه قیش، قیش آیاز اولدوم
اوخلاندی گونش زیروه‌سی تئل – تئل یارالاندیم
یوخسا کی سارام کؤنلونه سئل، سئل آراز اولدوم!
ایل اؤتدوسه، آی اؤتدو بوتاقلار تک الندیم
ساچلار اؤنونه گؤزدن ایراق قار، بایاز اولدوم
بایقوش یوخوسویدو دئمه‌لی گلدی بو آخشام
سینسیتدی قاپی پنجره‌می اوخشاماز، اولدوم
نئیلیم‌کی داها گوللریمیز سولدو سارالدی
بلکه بو یالان باغچامیزا تکجه یاز اولدوم!
من داغدان اوجا چنلی دومانلار گونش‌ایدیم
قار – قار اریدیمسه !! قولونا دستماز اولدوم
ایللردی چیچکلر یاراسی بوردا ساغالمیر
دور گل بو یئتیم دویغولارا من قاپاز اولدوم
مهدی قاسم‌نژاد(آیدین صاباح)
چئویرن: مهدی قاسم‌نژاد(آیدین صاباح)
ترجمه: مهدی قاسم‌نژاد(آیدین صاباح)
سسلندیرن: مهدی قاسم‌نژاد(آیدین صاباح)
- شعر
- اوخوماق زامانی: < 1 دقیقه
- https://ishiq.net/?p=33164
چاپ
