سنی
کیتاب-کیتاب تاخچا گؤیَریرم
گولوش-گولوش آغلاییشلارا؛
سنی
یاغیشلارین گیله‌سینده بولوتلانان-
خییاوانلارا پای گئدیرم
و گونشی آددیملایارق
اؤنه چؤکورم
سوتونه جیزیرام سنی
دوداقلی اوووجلاریمدا
دموکراسی آددیملاییر یولاقلاریم.
هوپورام آداخلی گؤزگولرین باغرینا سنی
و رئاللاشیرام فصیللری باهار- باهار؛
الی قوینوندا قالان
کلاسیکال دویغولارلا
سئوینیرم
سنی سئوینیرم.
یاخامی سؤکورم میصراعلارا
اؤزومو دانیرام هیجا- هیجا،
امپراطورلوغون آرخاسیندا
سنی فیرانسا دا ایفل‌لنیرم
بوتاقلاریم پاریس گئیینیر یادینی
نئوللاشیرام دویغولاری
عطیرلنیرم کلمه‌لری
و آلنیما داغ باسیرام
ژکوندون گولوشلرین؛
اینان‌کی …
سوتولجه باخیشلارینی
هیروشیما بومباسی تک
جانیما یاتیرام.
