چئویرن: مهدی قاسم‌نژاد(آیدین صاباح)
ترجمه: مهدی قاسم‌نژاد(آیدین صاباح)
مهدی قاسم‌نژاد(آیدین صاباح)

دوروم گئدیم آنام‌گیله
گؤزوم آناما داریخیر!
واراق‌لاریمدا ره به ره
سؤزوم آناما داریخیر!

دوروم بوکوم بو یول‌لاری،
اوزاق – اوزاق ساغ اول‌لاری؛
سالیم بوینونا قول‌لاری،
اوزوم آناما داریخیر!

بوردا کدر گولومسه‌ییر،
منده اوره‌ک اؤزون یئییر؛
دیلیم سؤزون دوزون دئییر،
دیزیم آناما داریخیر!

بیر آز دوشونجه‌می سویون!
یاشیللیغیم اولوب اویون؛
گلین گؤزلریمی یویون،
نازیم آناما داریخیر!

کاش گله بیر پوتاقلاشام،
سئوینجیدن جوشوب داشام؛
سن هاردا قالدین آی پاشام،
قیزیم آناما داریخیر!

باغیشلایین کاریخمیشام،
من آناما داریخمیشام؛
اؤزوم ائویمی ییخمیشام،
ایزیم آناما داریخیر!

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

آناما داریخمیشام

مهدی قاسم‌نژاد(آیدین صاباح)
www.ishiq.net

آذربایجان ادبیات و اینجه‌صنعت سایتی

آناما داریخمیشام

مهدی قاسم‌نژاد(آیدین صاباح)
www.ishiq.net

آذربایجان ادبیات و اینجه‌صنعت سایتی

آناما داریخمیشام

مهدی قاسم‌نژاد(آیدین صاباح)
www.ishiq.net

آذربایجان ادبیات و اینجه‌صنعت سایتی