تانریم گل یول بیر اولاق،
بو من، بو سن، بو دا یول!
بیر اولاق، ال بیر اولاق؛
بو من، بو سن، بو دا یول!

من قول اولوم، سن آقا،
قویاق نفسی قیراغا
بیر اولوب دورولماغا؛
بو من، بو سن، بو دا یول!

قوشالاشاق چای کیمی،
آشیب داشاق چای کیمی،
دورولاشاق چای کیمی؛
بو من، بو سن، بو دا یول!

چاپاق سال قایالاری،
چاپیق، چال قایالاری،
ائده‌ک یول، قایالاری؛
بو من، بو سن، بو دا یول!

قیشا گؤز داغی وئرک،
داشا کؤز داغی وئرک،
قوشا بوز داغی وئرک؛
بو من، بو سن، بو دا یول!

اوتانسین گئجه بیزدن،
کئفلنسین کوچه‌میز ده،
سوسلنسین دره، دوز ده
بو من، بو سن، بو دا یول!
7/۸/۱۴۰۲