قانیمیزلا آخیرام منسه دوداق‌لار گؤیه‌ریر
نئچه نیسگیل یازیلیر بوردا واراق‌لار گؤیه‌ریر
کئفیمین های- کویو یوخدور، هله‌دیر سسله‌نیرم
خیالیندان ایچیرم گؤر نه آراغ‌لار گؤیه‌ریر
هله‌دیر من دؤشه‌نیردیم کوچه‌نین قاسناغینا
خیاوانلار دوغولوردورسا، آیاقلار گؤیه‌ریر
ائویمیزله الی قولتوق دایانیردیق گله‌سن
دووارین لای با لایین‌دان،کی چیراق‌لار گؤیه‌ریر
گل کی دویغوم سولانیر بوردا منیم شور گیله‌مه
بیچیلن شعریمین اوستونده اوراق‌لار گؤیه‌ریر
یئنه چاخناشمادادیر قانلی بولوتلار گیله‌سیز
اوزولن قافیه گؤیسومده پیچاق‌لار گؤیه‌ریر
کؤلگه‌لندیم سنی من آی گونش حسرتلیجه‌سی
خیالیندان نئچه حسرتلی بوتاق‌لار گؤیه‌ریر
ائلشن چایپارالی
چئویرن: ائلشن چایپارالی
ترجمه: ائلشن چایپارالی
سسلندیرن: ائلشن چایپارالی
- شعر
- اوخوماق زامانی: < 1 دقیقه
- https://ishiq.net/?p=33636
چاپ
