بو شهر پنجره‌مه باغچاسینی گئتدی نه گئتدی
الی قولتوغدا قالان تاغچاسینی گئتدی نه گئتدی
ایکی اووجوم قاناییر یاسلی قالان تانریلیغین
گؤزوم اللرده قالان بوغچاسینی گئتدی نه گئتدی
هله نیسگیللی سؤزوم وارلیغیمی ایلمه‌له‌مکده
آغلادیقجا گیله‌مه آقچاسینی گئتدی نه گئتدی
من آلیشدیم سنه تانریم کئفی ساز پاپریزیمی
خیالیم توستوله‌نن خونچاسینی گئتدی نه گئتدی
دولانیردیم سنی من، مین سوکوتون باغریندا
کلمه لر دار آغاجین آزجاسینی گئتدی نه گئتدی
..و اوتوز بئش منی سنسیز هله‌لیک سالدی چؤله
و بو حسرت ایزیمه میخچاسینی گئتدی نه گئتدی
من یاشیل گوزلرین آودیقجا دئیه‌ردیم گئری گل
بو شهر پنجره‌مه باغچاسینی گئتدی نه گئتدی
ائلشن چایپارالی
چئویرن: ائلشن چایپارالی
ترجمه: ائلشن چایپارالی
سسلندیرن: ائلشن چایپارالی
- شعر
- اوخوماق زامانی: < 1 دقیقه
- https://ishiq.net/?p=35512
چاپ
