سازیملا آغلادیغیم تئل قوپوز سسینده بوکولدو
گؤزونده بوغچالارین‌لا آیاز سسینده بوکولدو
منیم نه‌ییمدی گره‌ک کی کفن- کفن سیخیلام
اَجل ده لای لالاریملا ناماز سسینده بوکولدو
شهرده قان گؤیه‌ریرسه قلم‌لرین شهیدی
دامار- دامار کوچه‌لرده کاغاذ سسینده بوکولدو
سینه‌مده شعریمی آللاه پیچاق چکیبدی دارا
و قان قوسان غزلیمده بوغاز سسینده بوکولدو
پاییز دیلیمده گولورسه بولود دوغور باخیشین
باشیم بو تاریخه بویلو پالاز سسینده بوکولدو
قوجاقلادیم اؤزومو گل قاپیملا باش باشاییق
درین کدرلریم آه… آه… دایاز سسینده بوکولدو
اوچور قونودلاریمین اَل‌لری، قارا بالیغی
عطشلی، کئفلیجه دردیم آراز سسینده بوکولدو
ائلشن چایپارالی
چئویرن: ائلشن چایپارالی
ترجمه: ائلشن چایپارالی
سسلندیرن: ائلشن چایپارالی
- شعر
- اوخوماق زامانی: < 1 دقیقه
- https://ishiq.net/?p=34466
چاپ
