آغلاییردیم گئجه‌نی، باخ کوچه‌نی قان یالادی
دوداغیم بیر خیاوان تک گؤزو هر یان یالادی
آختاریردیم اؤزومو کؤهنه سوکوت نعشینده
دیل دالیندا قانییان تابوتو جریان یالادی
اوتاغیم کئفسیز اولوپ چن بورویوب آیناسینی
ساهاتین دیقه‌لری روحومو هر آن یالادی
یولونو هاردان آلیم، هاردان آسیم نیسگیلینی؟
داها گل-گل سؤزوموز غملیجه داستان یالادی
و من آغریملا کؤچوم ساغ سؤزومون قوینونا گل
آللاهیم مین دوعامین ایزلری قرآن یالادی
وارلیغین آه‌لاری سسسیز دوشویور دوم-دورو اوف
خیالین بیر قفس‌ایمیش اونو زیندان یالادی
قان دامیردیم گئجه‌یه، آی منی آغریملا قوسور
نه بیلیم؟ آغلاییرام، باخ کوچه‌نی قان یالادی
ائلشن چایپارالی
چئویرن: ائلشن چایپارالی
ترجمه: ائلشن چایپارالی
سسلندیرن: ائلشن چایپارالی
- شعر
- اوخوماق زامانی: < 1 دقیقه
- https://ishiq.net/?p=36472
چاپ
