سنسیز بو شه‌هر باغریما قان سردی بو آخشام
آغریم‌لا ایتن گؤیلومه دان سردی بو آخشام
باخدیقجا قاپیم پنجره‌نی یولدو آپاردی
یوللار هاییما آه‌لا دومان سردی بو آخشام
دیلدن باشا باش قلبیمه دن- دن دوزولوردون
لئش- لئش خیالین آغزیما جان سردی بو آخشام
سنله ناماز اولدوم قیلیرام دیل دوداغیندان
تانریم اوره‌یین بویدا قوران سردی بو آخشام
گل کئفلی اولاق بیر اوتاق ایچره سن‌یله من
باااخ .. باخ نه گؤزللیک‌له زامان سردی بو آخشام
دویغومدا نئچه کؤرپه باخیش منسه دوغولدو
مندن سنه نازلیم خیاوان سردی بو آخشام
آددیملاییرام من اؤزومو هردن اؤزوم ده
سنسیز بو شه‌هر باغریما قان سردی بو آخشام
ائلشن چایپارالی
چئویرن: ائلشن چایپارالی
ترجمه: ائلشن چایپارالی
سسلندیرن: ائلشن چایپارالی
- شعر
- اوخوماق زامانی: < 1 دقیقه
- https://ishiq.net/?p=35123
چاپ
