من یاغیشام، بلکه یاغام
بولودلارین سانجی‌لارین.
من یاغیشام، بلکه یاغام
دیل آچمایان دامجی‌لارین.

من یاغیشام، یاشیل- یاشیل
سؤزلریمی باغچا دادیر.
من یاغیشام، اوتاغیندا
گؤزلریمی تاخچا دادیر.

من شه‌هرین یاغماسی‌یام
اووجلارین داریخماسی.
من یاغیرام، هئی یاغیرام
تانریمیزین کاریخماسی.

گؤزلریم‌له یاغیش- یاغیش
سئل ایچمه‌ده یاناقلاریم.
من ده دوعا دولانمادا
یول بیر اولوپ آیاقلاریم.

الیم ده دیله‌نیر اولوم
دادیزلانیر کی من ساغام.
روحوم کؤچوب بولودلارا
من یاغیشام، بلکه یاغام!