باخما دوز مزارلیغینا
تومارلانان واختی واردی!
ناکس گیردی قیلیغینا
یوخسا قیزیل باختی واردی!

کیشنه‌یردی دالغالاری،
قاققیلداردی دورنالاری؛
خیال‌لاری، رؤیالاری،
سلطنتی، تاختی واردی!

ترس باخدی‌لار ننه‌لیک‌لر،
قورقو قوردو دؤنگه‌لیک‌لر،
آت اویناتدی فیتنه‌لیک‌لر،
بیلمک اولمور یوخدو، واردی!

باخما دوز مزارلیغینا!
ناکس گیردی قیلیغینا،
داش آتدی‌لار قوروغونا،
یوخسا قیزیل باختی واردی؛
سلطنتی، تاختی واردی!
۴۰۲/۰۴/۲۰