اونلار
دوداقلاریندا قیزیل سولو گولوش‌لرله
دونیانی اودان‌‌لاردیر؛
اونلار
دیللرینده پامبیقدان تییه‌لر
جاناوار جایناقلی باخیش‌لارلا دریلریمیزی سویان‌لاردیر!
اونلار
دونیانی اودا – اودا بیزی بیزدن ائله‌دیلر؛
گونلریمیزین گونلویون
باخیشلاریمیزین اومیدینی چالدی‌لار؛
دونیا بئش گونلوکدور- دئیه
وار- یوخوموزو تالادی‌لار؛
سئوگینی اوره‌کلریمیزدن سوروب
نیفرت ایرینی‌له دولدوردو‌لار.
اونلار
دونیانی چاپیب – چالان
بیزلری بو گونه سالان آغا‌لاردیر…
1396
حسن ریاضی (ایلدیریم)
چئویرن: حسن ریاضی (ایلدیریم)
ترجمه: حسن ریاضی (ایلدیریم)
سسلندیرن: حسن ریاضی (ایلدیریم)
- شعر
- اوخوماق زامانی: < 1 دقیقه
- https://ishiq.net/?p=33071
چاپ
