قاچیرام… اوچورام… من سنه ساری
یاز کولک‌لری‌نین یئیینلیگینده.
دیلیمده گول آچیر ماهنی نوباری
یانیق کرمی‌نین حزینلیگینده.
ایستیرم یئنی‌دن دوغاسان منی،
اووجویا آلاراق اوغاسان منی؛
ایستیرم جومدوروب بوغاسان منی
ماوی گؤزلری‌نین درینلیگینده.
ازل نفسیمدن سئودیم سؤزویو،
بوتون آری‌لارا دئدیم سؤزویو؛
دیز دیزه اگلشیب یئدیم سؤزویو
بیر بال پتگی‌نین شیرینلیگینده.
آرزوم وار تورپاقدان اوجالیق اولام،
آلچاق دره‌لردن آرالیق اولام،
باش یوخاری اوزن بیر بالیق اولام
پاییز سولاری‌نین سرینلیگینده.
