چئویرن: حاجی هریزلی
ترجمه: حاجی هریزلی
حاجی هریزلی
00:00
00:00

یاشیلا بورونور چؤل‌لر، چمن‌لر،
باغدا عطیر سپیر شوخ یاسمن‌لر؛
کؤنلومو اوخشاییر هر بیر منظره،
یازین هاواسی دا منه خوش گلیر.

شیرهاشیر چاغلاییر گور شلاله‌لر،
دوزولور نیظاما دوزده لاله‌لر؛
دورولور آیناسی ماوی گؤل‌لرین،
سو قوناقلیغینا قوناق، قوش گلیر.

هر کند، هر شهرده یاز هاواسی وار،
هر ائلده توی-دویون، ساز هاواسی وار؛
هارا باش وورورسان یاز گونلرینده
سئوینج قارشیلاییر،شنلیک توش گلیر.

یاز گونو چیخاندا سئیره باغ‌لاری
سایریشیر گول‌لرین آل یاناق‌لاری؛
چیچه‌یین قوینونا سوواشان بولبول
سانکی اسارتدن قورتولموش گلیر.

یئنی‌دن دوغولور ائله بیل اینسان،
جان تاپیر وارلیغین سانکی یئنی جان؛
سئیر ائدیب دؤننده یازی «هریزلی»
اوره‌یین غصه‌دن، غم‌دن بوش گلیر.

هریس ۱۴۰۱/۱/۱۱

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

تله

یک پاسخ

  1. سلام .منده اردبیلدن شاعرلریمیزه باهارین گلمه سین تبریک دییرکن اونلارا باهارآغاجلاری کیمین چیچکلی ایل آرزیلاییرام وگوزل تورکجه شعر یازماغلارینی گوزتله ییروخ

دیدگاهتان را بنویسید

نشانی ایمیل شما منتشر نخواهد شد.

بهاریه

حاجی هریزلی
www.ishiq.net

آذربایجان ادبیات و اینجه‌صنعت سایتی

بهاریه

حاجی هریزلی
www.ishiq.net

آذربایجان ادبیات و اینجه‌صنعت سایتی