بوگون قارقالار شعر اوخودولار 
چئویرن: کامیل قهرمان‌اوغلو
ترجمه: کامیل قهرمان‌اوغلو
کامیل قهرمان‌اوغلو
00:00
00:00

بوگون قارقالار شعر اوخودولار
قوخودولار یئر اوزونده پنیرلری
اوخودولار شعری قارقالار
و قارلادیلار آغاجلاری قاررر، قاررر، قارررر
گئییندیلر یارپاقلار فلسفه‌لری
یئدیلرده گئجه‌لیکلری یاوانلیقلارینا…

بوگون قارقالار شعر اوخودولار
دیللری پلتک”pəltək” قارقالار
اؤسگوریین بئلی سینمیش قافیه‌سینده!
سانجاقین قاراسیل لاکیندا
و آرابا باخیشیندا آغاجلار هوجوموندا بئله‌سی…

شعرلردن دلیسل سئللر
سئللردن دلیسل شعرلر
اؤلولر ماهنیلاردا اوزانمیشلار
جسدلرینی قارقارقالار یوخلاییرلار”yuxlayirlar”_دوداقلاریندا
مسافه سیز یوللار اوچوشودور _قارقالارین
و کولکلی کؤلگه لر قانادلاری_ بئله سی

قارقالار شعر اوخورلار گونده
قولتوقلاریندا بیر آت یوکو کیتاب
ایکی ایت هوروشو ونگیلتی
سؤزلری دوگون سالیرلار گؤزلرینده
آنجاق گون اورتا ساعات ۲ ده
آدسیز اؤلورلر قارقالار هاواسیز کلمه‌لرده
سؤزسوز شعرلرده
و لهله‌ییر آغزیمدا بیر، ایکی، و… اللی اوچ ایت بالاسی…

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

بوگون قارقالار شعر اوخودولار 

کامیل قهرمان‌اوغلو
www.ishiq.net

آذربایجان ادبیات و اینجه‌صنعت سایتی