چئویرن: حاجی هریزلی
ترجمه: حاجی هریزلی
حاجی هریزلی
00:00
00:00

بار ایلاها بنده‌ى شرمنده من
سن جهانین حکمرانى، بنده من
چوخ گوناهکارام باغیشلا ای خدا
توبه-توبه من گوناه ائتمم داها
گر یاغیش یاغمیر اونا باعث منم
اود توتوب چؤللر یانا باعث منم
من مسبب اود دوشور اورمانلارا
اود ایچینده قوورولان حیوانلارا
من قوروتدوم اورمونون دریاچه‌سین
من قوروتدوم کؤشنین چای چشمه‌سین
گر تاپیلمیر آرپا، بوغدا، اوت، سامان
کندلرده قووزانیب آه و فغان
یای گونو اود یاغدیریر گؤیدن گونش
بو قوراقلیقدا دئیرلر العطش
برق‌لر هرگون گئدیر آردینجا سو
میللتین تقصیری‌دیر البته بو
باخ بو منحوس ویروسا آت چاپدیریر
میللتی هرگون توتوب، هرگون قیریر
من گتیردیم چین‌دن ماچین‌دن
من داراشدیردیم اونو ،دونیایه من
بو باهالیقلار کی وار بانی منم
جنگه چکمیش کلِّ دونیانی منم
یوخسا دئپتاتلاردا یوخدور هئچ گوناه
میللتین تقصیری‌دیر بو ای ایلاه
هر عزیز مسئول کی ائتدی اختلاس
قانمادیق، چکدیک هارای، وای حقِ‌ناس
بیزلره گؤستردیلر جنت یولون
حئیف اولا کى آزدى بو میللت یولون
گر باخایدیق امرینه مسئوللارین
آلتی واکسن ویرمیش‌ایدی قوللارین
گر تساهل اولماسایدی دین‌ده
اشتراک ائتسئیدیک هر آیین‌ده
راست گلردی هر یئره گئتسئیدیک ایش
سئل کیمی گؤیدن یاغاردی قار-یاغیش
بار ایلاها سن باغیشلا میللتی
راضی سال بیزدن فخیمه دولتی
هریس۱۴۰۰/۰۴/۱۵

چاپ

دیدگاهتان را بنویسید

نشانی ایمیل شما منتشر نخواهد شد.

مناجات

حاجی هریزلی
www.ishiq.net

آذربایجان ادبیات و اینجه‌صنعت سایتی

مناجات

حاجی هریزلی
www.ishiq.net

آذربایجان ادبیات و اینجه‌صنعت سایتی

مناجات

حاجی هریزلی
www.ishiq.net

آذربایجان ادبیات و اینجه‌صنعت سایتی